1. GOBERNANTZA ETA ETIKA

Multzo tematiko honetan, arreta berezia jartzen zaie Triple Bottom Line ikuspegia duten portuen zuzendaritza jasangarrirako munduko joerei (gizartea, ekonomia eta ingurumena aintzat hartuz).

Gaur egun, portuen zeregina salgaien itsas garraiotik harago doa, Hornidura-kate multimodala ere barne hartzen du; beraz, portuak energiaren, industriaren eta ekonomia urdinaren hub bihurtu dira.

ESPOk EBko portuen gobernantzarako joerei buruz egin duen azken azterketaren arabera, gero eta portu gehiagok nahi dute lagundu jasangarritasun-helburuak lortzeko ekintzekin. Ekintza horiek portu-sistemako beste eragile batzuekin batera gauzatu behar dira, bai beste portu batzuekin, bai ekosistemako gainerako eragileekin. Gaur egun, gardentasuna eta jasangarritasuna gobernu korporatibo sozialean txertatuta daude.

Portu Jasangarriei buruzko Bilboko Lehen Biltzarrean, nazioarteko adibideak aurkeztu nahi ditugu, proiektu aurreratuenak portu-gobernantza jasangarriari dagokionez, modu horretan txosten bakarra sortzeko portu-komunitate osoari eta etengabe aldatzen den mundu honek ekarriko dizkigun erronkei buruz.
Ezagutzak eta esperientziak partekatzea.

2. OSASUNA ETA ONGIZATEA

Lan-ingurune osasungarriak portu-komunitatean

Osasunaren zaintzaz eta laneko arriskuen prebentzioaz gain, portu-komunitateak erakunde osasungarria lortzeko zer egin dezakegun pentsatzen ari gara, erakunde osasungarria lanerako ingurune osasungarri gisa ulertuta. MOEk honela definitzen du ingurune hori: langileek eta goi-mailako langileek elkarlanean etengabeko hobekuntza-prozesu bat egiten dutenean, langile guztien osasuna, segurtasuna eta ongizatea zein laneko jasangarritasuna babesteko eta sustatzeko.

Erronka langileen, haien familien eta bizi diren komunitatearen ongizate fisikoa, mentala, soziala eta kulturala babesten, sustatzen eta babesten duen lantokia sortzea da.

Mahaiaren bidez, lanean osasuna sustatzeko indarrean dauden hainbat estrategien ibilbidea egin nahi dugu, orokorrenetik hasita eta tokian tokikoenetan bukatuta. Hau da, osasuna eta ongizatea sustatzeko estrategia OITen lanean, EBren esparru estrategikoa laneko osasuna eta segurtasunari dagokionean, laneko segurtasunareko eta osasunareko Espainiako estrategia, laneko segurtasunerako eta osasunerako euskal estrategia 2030eko agendarekin eta garapen jasangarrirako helburuekin lotuta. Osasuna eta jasangarritasuna sustatzeko ni enpresen proiektuekin bukatuko dugu, zehazki, Bilbo Portuko Agintaritzaren eta Guggenheim Bilbao museoaren proiektuekin.

3. KLIMA ETA ENERGIA

Erresistentea eta ekonomikoki segurua den mundua lortzeko leheneratzen ari diren ozeano osasungarriak behar dira.

Munduko Bankuko Ekonomia Urdineko aditu Charlotte de Fontaubert-en arabera, klima-aldaketak ondorio kaltegarriak eragiten ditu ozeanoetan; besteak beste, tenperaturaren igoera, itsas mailaren igoera eta azidotzea.

Portu-sektorearen klima-erresilentzia, deskarbonizazio-estrategiak, arintzea eta trantsizio energetikoa izango dira atal honetan garatu beharreko gaiak.

Atalaren xedea izango da behatzea klima-aldaketa gizartean eta planetan eragiten ari den ondorioak eta portuak eta itsas enpresak nola ari diren haren eskakizunei erantzuten. Biltzarraren atal honetan jorratuko dira, besteak beste, portu-sektorearen klima-egokitzapena eta -erresilientzia, klima-aldaketak eragindako arrisku fisikoen murrizketa, aktiboetan duen eragina, garapen-inbertsio berriak (deskarbonizazioan kasu), energia berdearen sorrera eta erregai berrien bilaketa.

4. PORTUA ETA HIRIA

Portu-komunitateko eragileek (agintariak, udalerriak, enpresak eta langileak) sinergiak sor ditzakete portu-eremuaren barruan eta kanpoan arazo kolektiboak konpontzeko, esaterako, hinterlanderako sarrera-irteeretako pilaketak, prestakuntza eta hezkuntza, teknologia berriak, marketina eta sustapena, berrikuntza eta nazioartekotzea. Era berean, portu-komunitateko eragileak ahalegindu behar dira hirietako interes-taldeekin hitz egiten, elkarri lotutako zerbitzu berritzaileak eskaintzeko, portua duten hirien erakargarritasunari eta erresilientziari laguntzeko. .

Arlo horretako gai potentzialak honako hauek izango dira: interes-taldeen kudeaketa, jasangarritasunari buruzko txostenak eta memoriak sortzea, eragin komunitarioaren azterketa, hirien eta portuen arteko harremanak, enplegua, hezkuntza, lurralde-plangintza, portuetako natura, portu-kultura edota portu-eragiketen kanpokotasunak.